Home / PYQs / Mains Bodo Compulsory Paper (Qualifying) UPSC Mains Bodo Compulsory Paper (Qualifying) previous-year questions 9 Mains Bodo Compulsory Paper (Qualifying) questions from 2026 to 2026, with the official answer where UPSC has published one, an explanation or answer outline, and the news stories that connect to each. Every question is checked against the published paper.
2026 2026 · Bodo Compulsory Paper (Qualifying) · 100 marks Mains
गाहायाव होनाय आयदानि सायाव जायखिजाया मोनसेनि रनसाय 600 सोदोबजों लिर :
(a) भारतनि सानस्रि आरो जोंनि इयुन
2026 · Bodo Compulsory Paper (Qualifying) · 100 marks Mains
गाहायाव होनाय आयदानि सायाव जायखिजाया मोनसेनि रनसाय 600 सोदोबजों लिर :
(b) डिजिटेल मुगायाव नोगोरारिफोरनि मावनो गोनां बिबान
2026 · Bodo Compulsory Paper (Qualifying) · 100 marks Mains
गाहायाव होनाय आयदानि सायाव जायखिजाया मोनसेनि रनसाय 600 सोदोबजों लिर :
(c) भारतनि अख्रांमा बिजिरसंनाय आरो मार्स अरबिटर मिसन
2026 · Bodo Compulsory Paper (Qualifying) · 100 marks Mains
गाहायाव होनाय आयदानि सायाव जायखिजाया मोनसेनि रनसाय 600 सोदोबजों लिर :
(d) सावस्रि सिबिथाइयाव मोननो हानाय मुलाम्फा आरो गुन
2026 · Bodo Compulsory Paper (Qualifying) · 60 marks Mains
गाहायाव होनाय फराखोन्दोखौ मोजाङै फरायनानै सिङाव होनाय सोंलुफोरखौ रोखायै, गेबेङै आरो सुंदवै फिन हो :
दुखुनि समाव गिखांनायनि जायगाया जेराव थामो बेनो रंजानायनिबो जायगा । जाय खामानियाव माखासे दोखोमनि दुखु एबा खहा मोननांनायखौ सैनांनायनि गोहो थायो बे गासैखौबो गोजोननाय आरो थुलुंगा गोनां हिसाबै सरजाबनानै लानाय जायो । दुखु दाहा एबा खहानि रोखोम बायदियै थुलुंगाखांनायनिबो बाहागोफोर भायी । थुनलाइ बिजिरगिरिफोरा बेफोरखौ दाउहानि जोहोलाव गोहो, दानहोग्रा जोहोलाव आरो अननाय बायदि बायदि बाहागोआव रान्दों । बेफोरनि गेजेराव गोजामसिना आरो गाहायसिना-जादों जोहोलाव गोहो, जेराव दुखु मोननाय, सैनांनाय आरो थैनायखौबो जेबो साननानै लाया । बे रोखोमनि जोहोलाव गोहोनि गोनांथिया गोदो गोदायनिफ्रायनो सोलि बोगासिनो दङ । जेराव गोहो बोलो आरो नाजानाया जौसिन जायगायाव सौहैयो । नाथाय खालि दुखु दाहाखौ सैनांनायावलनो बिनि गोहो बोलोआ नुजा जोबा । बेजों लोगोसेनो रंजानाय आरो मिथिनो लुबैनायाबो सरजाब जाफायो । ओरैहाय बेरामिखौ बेहुस खालामा लासिनो अपारेसन खालामनाया गोहो बोलो गोरानि सिनायथि होनब्लाबो बेथो मावथावना नङा । बेबायदिनो सिरियै थानाय, आथिं आखाइ सोमावा लासे गोबारै बुनायखौ सहायनो थाखाय साखा फारा जानायखौ गोहो बोलो गोरा आरो गोब्राबनिफ्राय गोब्राब बुनायखौबो सहायनानै जायगाखौ दोरोदा लासिनो थानायखौ गोगोम गोमजोर बुंनो हायो । गोगोम गोमजोरखौ-थुलुंगानायनि सिङात अब्लासो लांनो हागोन जेब्ला गोहो बोलो गोरा एबा गोगोम गोमजोरै बे खामानिखौ मिनि खुसियै मावलांबाय थागोन जायनि थाखाय बिखौ एसेबां बुनायखौबो सैनानै थानो गोनां जादों । जोबनायाव बेखौनो बुंनो हायोदि मिनि खुसियै मावनो नाजानाय एबा गोसो दुंखानायावनो थुलुंगाखांनायखौ नुनो मोनो । खालि दुखु दाहाखौ सहायनायावनो सासे मानसिनि गोहो बोलोखौ नुनो मोनजोबा । नांथाबनाय आरो गोहो बोलो मोननैबो थुलुंगा खांनायनिफ्राय फैनाय ।
सासे दान होग्राया धोनखौ दान होनो थाखाय गोहो थायो आरो बिनिफ्राय फैनाय दुखु दाहाखौ सैनो हायो । सासे दान होगिरिखौ उदां गोसोनि होननानै सिनायनो हायो जेब्ला बिनि थांनानै थानायाव खायसे गोब्राब आरो दुखुनांथाव थासारिया बिनि दान होनायनि थाखाय जायो । बे गोब्राब आरो दुखुनांथाव थासारियाव थांनानै थानायाव जेसेबांनो बिनि दान होनाया बांगोन एसेबांनो उदां गोसोनि होननानै मिथिजागोन । बेवहाय उदां गोसोनि थियारि आरो सुखुखौ गोसो दुंखांनायजों हमफानाय नङा ।
बुहुमाव दाउहाजों लोगोसे माखासे गोब्राब खामानिफोर दङ जेराव बांद्राय देहा-यारि सैनांनाय आरो थैनो गोनांबो जानो हागौ । बरबजों खोबजानाय हाजो, जोमैजों खोबफबजानाय समान नङै हाजोखौ बिजिरसंनो गाखोनाय, सुमेरू आरो साहारा बालाहामा, गुदु हाग्रामायाव, मिथिमोनफेरै जायगायाव थांनायफोरा गोहो गोरा आरो जोहोलावनि खामानि । बेबायदि रंजा खुसियै गोसो जानानै बेफोर खामानिफोराव नांथाबनानै थानाया थाखोमानानै थानाय गोसो दुंखांनाय ।
(a) गोसो दुंखांनायाव गोहो गोरानि बिफावखौ बेखेव ।
(b) नांथाबनाय होनोब्ला मा मिथियो ?
(c) गोसो दुंखांनायखौ मा बायदियै मोनो ?
(d) मिनि-खुसि, गोसो जानाय आरो गोसो दुंखांनायनि सोमोन्दोफोरखौ रोखा दिन्थिनानै हो ।
(e) दान होग्राया दान होनायनि थाखाय मा मा सैनांनो गोनां जायो ?
2026 · Bodo Compulsory Paper (Qualifying) · 60 marks Mains
गाहायाव होनाय खोन्दोनिफ्राय थाम बाहागोनि से बाहागोजों मोनसे सुंदोब (Précis) लिर । सुंदोबखौ नोंनि रावजों लिर । बिमुं होनो नाङा ।
सासे मोजां खोनासंगिरि जानो हानाया गोनांथार आरो मुहि होनो हानाय जिउ खांनायनि मोनसे गियान । अब्लाबो जोंनि गेजेराव एसेल बिबांनि सुबुंफोरासो खोनासंनो रोंगौ, बिनि जाहोना बे नङादि जों गाज्रि सुबुं, मानोना जोंखौ रावबो बेखौ फोरोङाखैनो । आरो बेजोंनो सोमोन्दो बुंथि – खायसेयाल’ मोजाङै गोसो होनानै खोनासङो । बिनिखायनो जों समाजारि जिउ खांनायाव खोना संनायनि सोलाय बुंनोल’ गोसो जायो, गुबुनखौ लोगो हमनो लुबैया — नाथाय बिसोरनिखौ खोनां संनो गोसो जाया । लासै लासै लोगोआ समाज जिबियारियाव सोलाय लांहोयो । सासे मोजां खोनासंगिरिया बेबायदि खायसे मोजां खामानि मावो जायफोरा बिजों थाफायो बिसोरनो गोजोन थासारि होनो हायो । नङाब्ला जों खायसे बेबायदि बाथ्राखौ सावरायनो जागायो जेराव गोनांथि मोनो नाथाय स्रा स्रा दिन्थिनानै होया । माब्लाबा जों गावनि खामानिखौ लानानै उसाव बादाव जायो, माब्लाबा गावनि थांनानै थानायनि राहानि गोजौ सिमांखौ जाफुंहोनो सानबाय थायो, जों रोखा जानो हायादि जोंनि थाखाय बबेया थि; माब्लाबा जों गोनो गोथो जायोदि खायसे सोमोन्दोआ गोब्राब थासारिजों — सोलिनांदों, जों खायसे बाथ्राखौ लानानै जिंगा सियो एबा जिवाव जाफुङैनि मोनदांथि सानबाय थायो (जाउनाव जों थियै मिथियादि जाहोना मा) एबा जानोहागौ जों जोबोद थुलुंगा खाङो बबे गोरोनथि बेखौ आसि थुनो, नाथाय गावनो बे थुलुंगा खांनायनि जाहोनखौ थियै मिथिया ।
थारैनी, बेफोर गासैबो जाहोनफोरानो बिजिरनायखौ फोरमायनानै होयो । सासे मोजां खोनासंगिरिया मिथिगौदि जों सावरायलायनायनि गेजेरजों गुबुन सासे सुबुंनि गोनो गोथो साननायखौ सोलाय होनो हायो, गोसोनि बेले बेजे साननायखौ बांसिनै थि खालामनो हायो आरो (आसाखालामनो हायो) गोजोनसिनै । बेजों लोगोसेनो जों जयै मावनानै थार जाहोना मा बेखौ मिथिनो हायो । नाथाय थारैनो बेयो जाफुंनानै फैनो हाया, मानोना बेवहाय मिथिनो लुबैग्राफोरा थोजासे सांग्रां नङा आरो रायलायनायाव आबुङै खेंफोरथि होनांगौनि गोनांथि जायो । बेवहाय थोजासे जखानि मोजां खोनासंगिरिफोर गैया । बिनिखायनो सावरायलायनाया रोखाथि लुबैनाय आरो गोनांथिनि फारसे सांग्रांथि गैयै जायो । मोजां खोनासंगिरिफोरनि बिबाङ एसेल जायो । जाहोनाव सुबुंफोरा बिजिरनायनि सोलायै गाव गावनि बाथ्रायावनो दोरोदलाया जासे थायो । बेयो गावनि साननाय, गोसो जानाय, — दुखु आरो मिजिंखौ गले-गले गुबुन गुबुन महराव फोरमायो । खाथिनिया खोनासङो नाथाय बियो गोथौवै बुजिनायाव हेफाजाब होया । मोजां खोनासंगिरिया रायज्लायनायनि थि जुक्तिफोरनि हेफाजाब लानानै थासारिखौ सामलायो ।
जेब्ला गुबुना रायज्लायबाय थायो अब्ला बियो बिजों लोगोसे जयै रायज्लायफाबाय थायो । बियो फिसा फिसा थुलुंगा होयो जैरै बायदि थोजासे अनसायनाय, थुलुंगाखांनायनि इसारा एबा खाब जाथाव रोनखान्थि हासथायनाय, बेबायदिनो बियो खाथिनिखौ गावनि साननाय आरो मोनदांनायनि गोथौथियाव थांनो थाखाय थुसोम हरो । बियो बुंनो मोजां मोनो — ‘‘आंनोबिनि सोमोन्दै आरो बुंबावनो ...’’, जेब्ला — ‘‘नों बेबायदि बुंदोमोन, अब्ला आं गोमोहाब-दोंमोन’’, ‘‘नोंहा मा जादों, मानो बेबायदि जाखो ?’’, एबा ‘‘नोंहा बे समाव माबायदि मोनखांदोंमोन ?’’ सासे मोजां खोनासंगिरिया बेखौ मानिनानै सोलिनांगौदि गुबुनजों सावरायलायनायाव गोनो गोथो जानाया सरासनस्राखा । बियो ना रायज्लायोयानी आरो ना उसु खुथु जाबाय थायो । बियो बुजियोदि रोखा नङैया मोनसे गनायथाव आरो मखजाथाव गोसोनि बेले बेजे मोनदांथि । बेखौ सुस्रांनायाबो सासे थार लोगोनि खामानि । गोबां समावनो जों बेफोर बायदि मोनदांथिनि सेर सेरावनो थायो, नाथाय बिनि गुबै जाहोननि सेराव थांनो हाया । बेबायदियाव सासे मोजां खोनासंगिरिया जोंनो गुवारै बुंनाय आरो गोथौआव थांहोनायजों लोगोसे आगान – सुरलांनो खाबु होयो । जोंहा बेबायदि सासे सुबुंनि गोनांथि जायो जाय बोसोन होनायनि सोलाइ खालि फंनैसोल मुहिनाय राव बुङो – ‘आवगाय लां’ । जों बिदा बिनानावनि खोथाखौ दिहुनो आरो बियो बांद्राय मिथिनो लुबैसिनो । उन्दै समाव बिनि सोमोन्दोआ मा बायदिमोन ? समजों लोगोसे बिनाव मा सोलायनाय फैखो ? बियो बेखौ मिथिनानै लानो नागिरोदि जोंनि साननाय आरो थुलुंगाया बबाव ? बियो सोङो – ‘‘बे बाथ्रायाव नोङो मानो एसेबां गोसो बायग्लिदोंमोन ?’’ एबा ‘‘बे बाथ्राया नोंनि थाखाय मानो एसेबां गोनांथारमोन ?’’ लोगोसेनो बियो जोंनि थांखांनाय – समनि खोथाफोरखौबो गोसोआव लाखिदोंमोन । माब्लाबा माब्लाबा बियो जोंनि रायज्लायबोनाय गोदोनि खोथाफोरखौ दिहुननायमोन आरो जों मोनदाङोमोनदि बियो मोगथाङाव जोंजों लोगोसे गोथौ सोमोन्दो लाखिनो नाजागासिनो दङ । रोखा नंजोबै बाथ्रा रायज्लायनाया ओरैनो गोरलै । जों गोबां समावनो सावरायोदि माखासे मुवाफोरा समायना आरो माखासेफ्रा गिलु बालु, गोजोन्नाय एबा गोसो बायनाय खालामो, नाथाय जों बेखौ बुजिहरनो लुबैयादि जों मानो बेबायदि मोनदां हरो । सासे मोजां खोनासंगिरिया जोंनि बे सोलोगोनां बाथ्रा सावरायनायाव सोरजिलुवारि आरो लोगोआरि बिथिङै मदद होफायो आरो बे गोथौ साननायखौ हमदां – हरनो नाजायो, जाय गोहोआ जोंनि गोसो सिङाव थाखोमाना थायो ।
(600 सोदोब)
2026 · Bodo Compulsory Paper (Qualifying) · 20 marks Mains
गाहायाव होनाय बाथ्रा खोन्दोखौ इंराजियाव राव सोलाय :
भारतआरि नाव जावरियाफोरा गोदो गोदायनिफ्रायनो नाव जावनायनि रोंगौथिजों मुंदांखा । 5000 बोसोर सिगांनिफ्रायनो बिसोरो नाव जावनाय हुदाखौ जागायदोंमोन । बै समाव लैथोआव दावबायनो थाखाय एसेल’ बिसाननि आगजुफोर दंमोन । आथिखालनि बायदि गिख्रंथाव हाथियारफोर गैयामोन । नाथाय गोजाम मुगानि नाव जावरियाफोरनियाव थानाय मोनदांथिया गोख्रोंसिनमोन । बिसोरहा बोथोरनि मोनदांथि गियाना मोजांमोन । बिसोरो ग्रह नक्षत्रखौ नायबिजिरनो हायोमोन, बार बारनायनि गियान दंमोन आरो लैथोनि गाबखौ नायनानै बिनि गोथौथिखौ बुंनो – हायोमोन । लैथोनि जिब-जिबिखौ नायनानै बिसोरो हानि जानथाय आरो माब्लाबा हादोरनि याथाय गुमुरखौबो नागिरना लायोमोन । बै समाव लैथोनि सोमोन्दै जेबो फसंथानफोर गैयामोन । बिनिखायनो बिसोरो गावसोरनि नाजानाय आरो गोरोनथिनि गेजेरजों सोलोंलाङोमोन । बेबायदियावनो माब्लाबा जाब्रब थायबो जायोमोन, बिसोरनि गोहो बोलो गोरा आरो गावनि सायाव फोथायनाया बिसोरखौ थुलुंगा होयोमोन । बेफोर गोहोखौ लानानैनो बिसोरो सोनाबहा पारसिनि लैथोसा, आफ्रिकानि सानजा फार्से लैथो जिं आरो सानजा फार्से इण्डनेसियानि सानजा फारसेनि दीप, कम्बदिया, अन्नाम, बोर्नियो आरो सेलीबीज बायदि गोजान गोजान दीपफोराव सौहैनायाव – जाफुंसार जादोंमोन । लैथोनि सोलोंथाइ लानाया गोदान मुगायाव 1920 माइथायनिफ्राय जागाय जेनबोदों ।
उदांस्रिनि उनाव भारतआव सोलायनायनि गोजोन थासारि सौफैदों । भारतनि गोग्गाथाव जाहाज लामानि दोरोङारि गियाना माखासे जौथायनि सिगांबोल गोमोर लांदोंमोन । बेयो फिन खेबसे जोंसारखांनानै नुजाफिनो । भारतआरि जाहाज लामाया आभिखालाव थार लामाजों हान्थिगासिनो दङ ।
2026 · Bodo Compulsory Paper (Qualifying) · 20 marks Mains
गाहायाव होनाय बाथ्रा खोन्दोखौ बर’आव राव सोलाय :
Orientation for entrepreneurship has to start right from the schools. In schools, teachers need to highlight the role of entrepreneurship in national development. During college, students must be exposed to business development opportunities and must be trained towards the creation of new enterprises. Parents should encourage their children to take up new ventures after their education. We should cultivate a mindset that ‘Idea is wealth’.
The government must create a facilitating environment for the provision of venture capital for innovative ideas without collateral security. Universities and engineering and management institutions should work with banks and other funding agencies towards simplifying procedures for setting up businesses and working with entrepreneurs till the project becomes self-sustaining and viable. Procedures in government should facilitate the spotting and recognition of new Indian talent in entrepreneurship by creating a level playing field for healthy competition. Citizens who can afford it should turn themselves into angel investors or start venture capital organizations to fund such new ventures. Big and small industries need to have an open mind in order to encourage and partner with young entrepreneurs.
2026 · Bodo Compulsory Paper (Qualifying) · 40 marks Mains
गाहायाव होनाय सोंलुफोरनि फिन हो :
(a) गाहायाव होनाय बाथ्राफोरखौ मोनसे सोदोबजों फिन :
(i) सं दानै दानै सुलु लाग्रा ________
(ii) बार, अखा आरो अनथाइजों सोगोमसारनाय ________
(iii) मोसौ गुमनो लाखिनाय हौवासा ________
(iv) ओंख्रि जानो दोननाय फाथो बिलाइ गोरान ________
(v) दंफानि फालांगि खालामग्रा ________
(b) गाहायाव होनाय बाथ्राफानदायखौ ओंथि होनानै बाथ्रा दा :
(i) उदै बुगार
(ii) हाथरखि थुख्लाय
(iii) फैसालि होसो
(iv) बिखा खालौ मोन
(v) आखाइ मिजि
(c) गाहायनि गोरलै थाइजाफोरजों गोरलै थाइजा दाजाबदेरनानै मोननै मोननै सोदोब दा :
(i) ________ खार
(ii) ________ फै
(iii) ________ थार
(iv) ________ फाय
(v) ________ जोब
(d) गाहायाव होनाय बाथ्राफावखौ बेखेव :
(i) आंगा सांगा खल बुदांनि फागा
(ii) हास्राव हाया हाब्रु जाया